Ginpirmahan na ang Memorandum of Agreement ukon MOA sang Roxas City Government kag Capiz Electric Cooperative ukon CAPELCO para sa pag-install sang 3-phase power supply sa Pyrolysis Waste Treatment Facility sa sanitary landfill sa Barangay San Jose, Roxas City.
Sa interview sang Bombo Radyo kay Engr. Edgar Diaz, General Manager sang CAPELCO, iya ginpahayag nga ang amo nga proyekto ang kabahin sang maaayo nga pagdumala kag pagproseso sang mga basura sa syudad.
Suno kay Diaz, sa amo nga proyekto sarang ini makaproseso sang mga basura agud mahimo nga mapinuslanon nga mga produkto.
Ginpangunahan naman ni Roxas City Mayor Ronnie Dadivas ang MOA signing agud mapabakod ang kooperasyon samg Local govertment kag CAPELCO sa pagpauswag sang sistema sa pagdumala sang basura sa syudad.
