Monitoring sang mga otoridad sa Ivisan Public Cemetery, nangin matalunsay

Malinong kag matawhay ang sitwasyon sa bilog nga pag-monitor sang mga otoridad sa Ivisan Public Cemetery sa Barangay Poblacion Sur, Ivisan, Capiz.

Sa interview sang Bombo Radyo kay Mr. Richard Monar, Provincial Director sang Samahan Defense Force Multiplier, ginpahayag sini wala man sang may na-monitoran ang mga ini sang mga nagapasaway sa bilog nga adlaw nga pagbantay nila sa lugar.

Dugang pa sini, nagasunod man ang mga nagapadulong sa sementeryo sa mga ginamandu sang mga otoridad agud mapabilin ang kalinong kag katawhay sa lugar.

Sa karon, wala pa sang mga recorded incidents kag kun ano pa nga mga butang nga ginadumilian sa Ivisan Public Cemetery.