Nasiplatan na naman sa coastal sang Zambales ang “monster ship” sang Tsina.
Ginkumpirmar ini sang spokesperson sang Philippine Coast Guard nga si Commodore Jay Tarriela.
Suno kay Tarriela, nga ang nasambit nga barko ang may lokasyon sa kalayuon nga 77 nautical miles gikan sa coastal area sang Zambales.
Pahayag pa sini, ang mas malapit nga presensya sang monster ship ang panibag-o naman kag ginadudahan nga ginhungod bangud nakapokus lamang ang operasyon sa 4th dash line sang Chinese coast guard.
Ginsiling man ni PCG Spokesperson Commodore Jay Tarriela nga nagapati sila nga ang tikang nga ini sang Chinese Government ang agud ma-normalize ang presensya sang PCG sa bug-os nga area.
Gani ginpanindugan sini ang hugot nga pagpamatok sang pungsod sa ginahimo nga pagsulod sang Chinese Coast Guard.
Ini agud ipakita man sa bug-os nga kalibutan nga indi pagkunsintihon sang gobyerno sang Pilipinas ang iligal nga presensya sang monster ship 5901.
