Manubo ang tsansa ang tsansa nga batunon sang Sandiganbayan ang mosyon ni Senate Minority Leader Alan Peter Cayetano nga tugutan nga makatambong sa impeachment trial ni Vice President Sara Duterte sanday Senador Rodante Marcoleta kag Jinggoy Estrada.
Sa interview sang Bombo Radyo kay Atty. Joenar Pueblo, presidente sang Philippine Arbitration Center sa Visayas, iya ginpahayag nga isa ini ka maselan nga legal nga isyu nga nagakinahanglan sang madalum nga pagtalakay.
Suno kay Pueblo, bisan pa mga senador ang mga ini, mabudlay gihapon para sa Sandiganbayan nga tugutan ang ila pagtambong, ilabi na kon ikonsiderar ang mga isyu sa seguridad kag iban pa nga legal nga konsiderasyon.
Dugang pa niya, ang mangin desisyon sang Sandiganbayan magadepende sa ginapatuman nga mga layi, sa mga kondisyon nga ipatuman sang korte, kag sa interes sang hustisya.
Nagalaom man ang natungdan nga magapadayon ang Senado sa matinlo kag patas nga pagtalakay sang Articles of Impeachment agud masiguro ang transparency, accountability, kag ang husto nga pag-uswag sang impeachment trial para sa kaayuhan sang pumuluyo.
