Ginbasura sang Quezon City Regional Trial Court ang motion ni Vice President Sara Duterte nga mag-inhibit si Judge Maria Angelica De Ramos sa kaso nga grave threats. Suno sa korte, wala sang igo nga ebidensya nga nagapakita sang bias, prejudgment ukon indi pagkapatas sang hukom sa pagdumala sang kaso.
Ginpahayag man sang korte nga ang mando sang prosekusyon nga isumiter ang digital evidence wala nagakahulugan nga nagabulig ini sa prosecution, kag ang judicial appointment sang hukom indi nagakahulugan nga political representative siya sang nag-appoint sa iya.
Sa pihak nga bahin, ginpahayag sang abogado ni Duterte nga si Atty. Paul Lawrence Lim nga gamiton nila ang tanan nga legal remedy nga yara sa ila, samtang padayon sila nga nagarespeto sa rule of law kag sub judice rule.
Si Duterte nagaatubang sang tatlo ka counts sang grave threats bangod sang iya mga pahayag sa online press conference sang 2024, kag gin-post niya ang bail matapos ginpagwa sang korte ang warrant of arrest.
