Motorbanca nadakpan nga nagapatigayon sang iligal nga pagpangisda

IVISAN,CAPIZ – Yara na sa kustodiya sang Municipal Agricultures Office sa banwa sang Ivisan ang pila ka mga fishing nets matapos nga gin-apprehend sang Bantay Dagat sa isa ka motorbanca nga nagapatigayon sang iligal nga pagpangisda sa baybayon sang Barangay Basiao, Ivisan, Capiz.

Gin-apprehend ang motorbanca Maja nga sa diin sakay diri ang boat captain nga si Jomer Labrador, kaupod ang lima sini ka mga crews nga sanday Jolito Labrador, Ryan Toledo, Ronnie Ferares, Mark Philip Depol kag Jose Dela Cruz.

Magapangatubang naman sang nagakaigo nga penalidad ang mga nadakpan nga persona matapos ginlapas ang ordinansa nga ginadumilian ang pagpangisda sa nasambit nga baybayon.