Patay ang isa ka motorista matapos bumunggo sa kasugata nga delivery van sa Brgy. Conciencia, Panitan Capiz.
Ang biktima nga sakay sang motorsiklo amo si alyas “Leo” 45- anyos kag residente sang Barangay Lacaron, Dao Capiz.
Samtang driver-suspek naman amo si “Jay” 39-anyos, kag residente sang Barangay Bayoco, Lambunao , Ilo-Ilo.
Sa interview sang Bombo Radyo kay Police Captain, Ronald Ton-ogan, Officer in charge sang Panitan Municipal Police Station, iya ginpahayag nga samtang ginamaneho sang biktima ang ang iya sini nga motor halin sa Bailan, Pontevedra padulong sa Barangay Conciencia, nadulaan ini sang control sa pagmaneho kag nangagaw sang linya.
Suno kay Ton-ogan, aksidente nga bumunggo ini siya sa kasugata nga delivery van.
Nakaagom sang patal nga pilas sa nagkalain lain nga parte sng lawas ang biktima nga gintunaan sang iya nga kamatayon.
Sa subong, ginahulat pa sang mga kapulisan ang desisyon sang pamilya kun magapasaka sang kaso samtang padayon may kaangtanan sa amo nga insidente.
