ROXAS CITY – Dead on arrival nga ginpadangat sa Bailan District Hospital ang isa ka persona matapos nga bumunggo ang ginamaneho nga motorsiklo sa poste sang Capiz Electric Cooperative (CAPELCO) sa Brgy. Vizcaya, banwa sang President Roxas, alas-11 sa gab-i, sang tinalikdan nga Setyembre 20.
Ginkilala ang biktima kay Randy Rosales Dieta, 49-anyos, kag residente sang Brgy. Intongcan, banwa sang Pontevedra.
Sandig sa inisyal nga imbestigasyon ni PCpl. Elmer Buriel sang Pres. Roxas MPS, nga madasig nga ginamaneho sang biktima ang Suzuki nagaduag pula nga motorsiklo, nagikan sa Poblacion, apang pag-abot sa lugar, ginpahayag nga nadulaan ini sang kontrol sa manubela kag bumunggo sa poste sang CAPELCO sa kilid sang karsada.
Nag-angkon sang patal nga pilas sa ulo si Dieta, nga posible gintunaan sang iya kamatayon.
Wala diri natumod kun nakainom sang makahulubog nga ilimon ang driver ukon wala.
Nagapadayon ang imbestigasyon sa aksidente.
