PANITAN, CAPIZ – Patay ang isa ka lalaki matapos nadulaan ini sang kontrol sa pagmaneho sang motorsiklo sa Barangay Timpas, banwa sang Panitan.
Ginkilala ang biktima kay alyas Richard, 53-anyos nga residente sang nasambit nga barangay.
Sandig sa impormasyon nagikan sa Panitan Municipal Police Station, ginapahayag nga samtang ginasubay sang motorista ang karsadahon sa Barangay Timpas sakay sang iya motorsiklo hinali nalang ini inga nadulaan sang kontrol sa iya pagmaneho rason nga naglapaw ini sa karsada kag nagdiretso sa kanal.
Bangud sini, natumba ang motorista kag nag-igo sa bato ang iya ulo rason nga nag-angkon ini sang patal nga pilas.
Gilayon nga gindala sa Roxas Memorial Provincial Hospital si alyas Richard para kun tani sa nagakaigo nga pagbulong, apang gindeklarar ini nga dead on arrival sang doktor nga nag-atendir.
Sa karon, yara na ang bangkay sang biktima sa isa ka punerarya sa nasambit nga banwa.
