ROXAS CITY – Naglab-ot sa P6,000 nga balor sang motorparts, ang nataban sang kawatan kahapon Hulyo 27, takna alas 5:30 sang hapon sa Brgy. Bato, Panay, Capiz.
Ginkilala ang biktima Angelo Bueno 20-anyos kag residente sang Brgy. Buntod Panay, Capiz, samtang ang ginatudlo suspek amu si
Mjay Alaro 18-anyos residente sang Brgy. Buntod, Panay,Capiz.
Sa impormasyon nga nakuha sang Bombo Radyo sa Panay Municipal Police Station, takna alas 2:15 sang hapon sang nasambit nga petsa nagpadulong sa Panay MPS si Bueno agud ipabalhag nga nadula ang pila ka mga motorparts sini sa diin ginapahayag nadula sadtong Hulyo 17, 2023.
Pinaagi sa pagpakuno-kuno sang isa ka pulis, natigayon nga mabakal ang amu nga motorparts.
Gilayon naman nga nadakpan si Alaro kag nakuha sa posesyon sini ang P1,600.00, (1) unit 12 gauge breaktype singleshot homemade shotgun nga may karga nga bala, (1) pc 12 gauge ammunition; 1 pc Sling bag nagaduga itom, (1) unit sang motorcycle Barako 175, nagaduag asul.
Sa karun, yara na sa paghinakop sang Panay Municipal Police Station si Bueno para sa nagakaigo nga disposisyon.
