-- ADVERTISEMENT --
ROXAS CITY – Nagapabilin nga yara sa kustodiya sang mga kapulisan sa Roxas City Police Station ang isa ka motorsiklo nga ginaalegar gin-abandonar sa Teodorica Avenue, Barangay Banica sining syudad.
Base sa report nga nakabaton sang pagpanawag ang mga kapulisan gikan sa isa ka Barangay Kagawad nga ginkilala kay Arnel Francisco sang Barangay Mongpong, matapos natalupangdan nga may yara sang isa ka motorsiklo malapit sa ila sini tindahan.
Gilayon man nga nagresponde ang mga kapulisan sa lugar kag narekober ang isa ka nagaduag itom nga motorsiklo (Suzuki Shogun) nga may yara sang plate number nga FK 9753.
Suno kay Kagawad Francisco nga ginbilin sang isa ka persona sadtong Disyembre 10 sini nga tuig ang nasambit nga motorsiklo.
