Motorsiklo, gintupok sang kalayo sa banwa sang sigma

Gintupok sang kalayo ang isa ka motorsiklo matapos nasunog sa Barangay Capuyhan, Sigma, Capiz.

Ang nasambit nga motorsiklo ang ginapanag-iyahan ni alyas Rafael, 58-anyos kag residente sang nasambit nga lugar.

Sa nakuha nga impormasyon nga nakuha sang Bombo Radyo nagikan sa Sigma Bureau of Fire Protection, ginsiling sang tag-iya nga samtang nagabiyahe ini sang hinali nalang nga nagkalayo ang makina sang amo nga  motorsiklo.

Madasig naman nga ginrespondehan sa lugar sang katapo sang bumbero matapos makabaton sang impormasyon.

Sa karon, nagapadayon pa ang imbestigasyon sang mga bumbero agud hibaluon kun ano ang gintunaan sang sunog kag kun pila ang nangin kahalitan.