-- ADVERTISEMENT --
ROXAS CITY-Pilason ang isa ka ginang matapos nga nagbungguanay ang Toyota nga salakyan kag motorsiklo sa Roxas Avenue, Roxas City.
Base sa pagpangusisa sang Bombo Radyo News Team nga samtang paliko na kuntani ang motorsiklo nga ginamaneho ni Marilyn Avelino aksidente na lamang ini nabungguan sang Toyota nga salakyan ni Eleseo Tuazon.
Suno kay Tuazon nga wala sini makit-an nga nagapaliko na ang nasambit nga motorsiklo.
Ginpahayag pa ni Tuazon nga mahinay man ang iya pagpadalagan sang natabo ang insidente.
Handa naman sini nga sabton ang tanan nga mga kagastuhanan sang biktima sa tion nga mapamatud-an nga may yara ini sang sala.
-- ADVERTISEMENT --
