-- ADVERTISEMENT --
ROXAS CITY – Isa ka motorsiklo ang nahulog sa under construction nga drainage sa Sitio Proper Brgy. Lawaan sining syudad.
Ginkilala ang driver sang motorsiklo kay Herman Clyde Mata, 19 anyos.
Suno sa inisyal nga impormasyon nga nakuha sang Bombo Radyo kay Traffic Investigator Kim Torres, samtang ginasubay sang motorsiklo ang dalanon nagikan sa banwa sang Ivisan padulong sa Roxas City Proper, ginaalegar nga wala sini natalupangdan ang buho ukon ang under construction nga drainage nga yara sa iya linya rason nga nahulog ini.
Nag-angkon sang pilas sa kamot ang driver kag masuwerte nga wala ini nahulog sa drainage.
Madasig naman ini nga ginrespondehan sang Roxas City Emergency Response Team (RCERT) kag gindapatan sang una nga pagbulong.
-- ADVERTISEMENT --
