Motorsiklo nga gin-abandonar yara na sa disposisyon sang mga kapulisan

ROXAS CITY – Nagparekord sa Roxas City Police Station ang isa ka 32-anyos nga lalaki matapos nga ginaalegar nga nakita sini ang gin-abandonar nga motorsiklo sa Barangay Tanza, Roxas City.

Suno kay Gaspar Dela Cruz sang nasambit nga lugar nga alas 9 pa lamang sang aga, nakit-an niya na ang Yamaha Mio nga motorsiklo kun sa diin ginapahayag nga wala sang tag-iya.

Bangud diri, ginpakamaayo na lamang niya nga ipa-rekord sa pulisya ang insidente.

Sa karon, nagapabilin sa kustodiya sang Roxas City Police Station ang nasambit nga motorsiklo.