Motorsiklo nga gin-park na abtan na lamang sang tag-iya nga tumba kag madamo na sang gasgas

ROXAS CITY – Nagpabalhag sa Roxas City Police Station ang isa ka 28-anyos nga lalaki matapos nga naabtan na lamang sini nga may yara na sang gasgas kag tumba na ang ginpark nga motorsiklo sa Barangay Banica, Roxas City.

Ginkilala ang tagreklamo nga si Carl John Besana sang nasambit nga lugar.

Sandig sa ginpabalhag nga reklamo ni Besana nga ginpark lamang sini ang iya Yamaha nga motorsiklo apang sang pagbalik na sini nakita niya na lamang nga tumba kag madamo na sang gasgas ang pila ka mga porsyon sang iya motorsiklo.

Bangud diri, ginpakamaayo na lamang sang tagreklam nga ipabalhag sa pulisya ang natabo.