Motorsiklo nga ginaalegar ginkawat sa Barangay Lonoy, Roxas City, narekober na

ROXAS CITY – Narekober na ang motorsiklo nga ginmotornap sang motornapper sa Barangay Lonoy, Roxas City.

Ginkilala ang suspek nga si Rey Deolino alyas “Bubong”  38-anyos sang Barangay San Jose sining siyudad.

Matandaan nga nagpabalhag sa Roxas City Police Station ang tag-iya sang motorsiklo nga si Josien Buna 39-anyos sang Barangay Lonoy.

Ginpahayag sini nga ginpark niya ang iya motorsiklo sa guwa sang ila panimalay.

Apang, tuman na lamang sini ang kakibot sang natukiban nga wala na ang motorsiklo nga ginpark sa lugar.

Sa karon, nakahunong na ang nasambit nga motornapper sa Roxas City Police Station para sa nagakaigo nga disposisyon.