Motorsiklo nga ginapatihan gin-abandonar narekober sang kapulisan sa banwa sang Panay

ROXAS CITY – Ginpalab-ot sang pila ka mga residente sa kapulisan ang isa ka motorsiklo nga ginapatihan gin-abandonar sa Barangay Poblacion, Tabuc, Panay, Capiz.

Sandig sa Panay Municipal Police Station, isa ka unit sang Honda wave 110 nga motorsiklo nagaduag itom ang narekober kag wala sang plate number.

Mahibaluan nga madugay na nga naka-park ini sa kilid sang dalan sa nasambit nga lugar.

Sa karun, yara na ini sa kustodiya sang Panay MPS kag padayon nga ginahibalo sang mga kapulisan kun sin-o ang nagapanag-iya sang nasambit nga motorsiklo.