Motorsiklo nga gincarnap, nabalik na sa tag-iya

ROXAS CITY – Nabalik na sa tag-iya ang gincarnap nga motorsiklo sa banwa sang Jamindan sang nagliligad nga binulan.

Nakita sang nagapahalab sang iya karabaw nga si Larry Castañeda sang Barangay Caidquid, Mambusao, Capiz ang isa ka gin-abandonar nga motorsiklo gani gilayon ini nga nagpanawag sa opisyal sang ila barangay nga amo naman ang nag-imporma sa mga katapu sang Mambusao Police Station.

Kasunod sang imbestigasyon sang kapulisan ang pagkatukib nga ginapanag-iyahan ang gin-abandonar nga motorsiklo sang mag-asawa nga Bonifacio kag Pilar Vigo .

Nahibaluan nga nagpa-record sa Jamindan PNP ang mag-asawa nga Vigo matapos gin-carnap ang ila motorsiklo nga naka-park lamang sa ila ugsaran.