Motorsiklo nga ginkawat sa siyudad sang Roxas, narekober sa banwa sang Sigma, Capiz

ROXAS CITY- Narekober ang isa ka motorsiklo sa banwa sang Sigma, Capiz nga ginaalegar gin-motornap sa Barangay Dumolog, Roxas City.

Ang nasambit nga motorsiklo ang ginapanag-iyahan ni Christopher Acuña 44-anyos sang Barangay Dumolog sining siyudad.

Base sa inisyal nga imbestigasyon sang Roxas City Police Station nga samtang naka-parked ang suzuki nga motorsiklo ni Acuña sa guwa sang balay ni Lilian Joy Aminoso ginaalegar nga ginkawat ini sang suspek nga si Alexander Martinez 24-anyos sang Barangay 5 sining siyudad.

Apang, nahibaluan nga narekober sa banwa sang Sigma ang nasambit nga motorsiklo nga ginkawat naman sang nasambit nga suspek.

Sa karon, nakahunong na sa karsel sang Roxas City Police Station ang amo nga motornapper.