ROXAS CITY – Ginpadangat sa ospital ang 26-anyos nga lalaki matapos aksidente nga nabungguan sang ginamaneho nga motorsiklo ang nalikod nga porsyon sang nagaduag pula nga van nga yara sa iya unahan sa Kilometer 2, Lawaan, Roxas City.
Nag-angkon sang pilas sa ulo kag paa ang driver sang motorsiklo nga si Mark Anthony Jimenez sang Malipayon Village, Barangay Tiza, Roxas City.
Ba-se sa inisyal nga imbestigasyon sang traffic section sang Roxas City PNP nga ginasubay sang driver sang motorsiklo nga si Jimenez, ang dalanon sa Kilometer 2, sang hinali nga nagpondo ang van nga ginamaneho ni Tomas Eudela, sang Barangay Poblacion Tacas, Cuartero.
Bangud sa gulpi nga pagpondo sang van, hinali man nga nagpreno ang driver sang motor, apang aksidente ini nga nakabunggo sa nalikod nga porsyon sang van kag natumba.
