Motorsiklo nga nakaparking sa garahe, nasunog sa Barangay Dinginan sining syudad

ROXAS CITY – Gintupok sang kalayo ang isa ka motorsiklo sa Sitio Puntod, Barangay Dinginan, Roxas City takna ala 1:30 sang kaaganhon Hulyo 10.

Ginkilala ang drayber sang amu nga motorsiklo kay Rogelio Degracia Jr., 36-anyos kag residente sang amu nga lugar.

Sa impormasyon nga nakuha sang Bombo Radyo sa Roxas City PNP, ginpukaw lamang si Degracia sang iya kalapit balay kag ginapahayag nga ginatupok na sang kalayo ang iya motorsiklo nga CT 100 Kawasaki, nagaduag asul nga nagaparking sa garahe sang iya utod.

Bangud sini, naglab-ot sa P50,000 ang nangin kahalitan sa amu nga insidente.