Motorsiklo sang cafgu member nga gin-park sa karsada, ginmotornap

ROXAS CITY – Nagpadangat sang reklamo sa Sigma Municipal Police Station ang isa ka cafgu member nga na-assign sa 121B Alpha Company nga naba-se sa Barangay Malitbog, Tapaz matapos ginmotornap sang wala mahibaluan nga motornapper ang iya nga motorsiklo.

Ba-se sa panaysayon ni Roel Eres 25-anyos tumandok sang Dao, Capiz apang temporaryo nga naga-estar sa Barangay Amaga, Sigma nga ginpark lamang sini sa karsada sa amo nga lugar ang nagaduag itum nga motorsiklo.

Amo na lamang ang kakibot sang tagreklamo sang iya balikan nga wala na sa ginbilinan nga lugar ang motorsiklo.

Padayon sa karon nga gina-imbestigahan sang kapulisan ang insedente agud matumod ang suspek.