Motorsiklo sang isa ka college student, gin-motornap sa banwa sang Dumarao, Capiz

ROXAS CITY – Blangko sa karon ang mga otoridad sa pagkakilan-an sang suspek nga responsable sa pagkawat sang motorsiklo sang isa ka college student sa Barangay Codingle, Dumarao, Capiz. 

Suno sa biktima nga si Jofel Gonzales, 21 anyos sang Barangay Agsirab sa amo man nga banwa nga ginparked niya lamang ang iya nga motorsiklo sa guwa sang ila nga eskwelahan.

Apang sang ginbalikan na sini sa ginahamtangan, natukiban na lamang sini nga wala na ang motorsiklo.

Bangud diri, ginpakamaayo na lamang sang tagreklamo nga iparekord sa pulisya ang insidente.

Padayon naman ang imbestigasyon sang mga otoridad agud matumod ang suspek nga responsable sa nasambit nga insidente.