-- ADVERTISEMENT --
PILAR, CAPIZ – Nagpalab-ot sang reklamo ang isa ka lalaki matapos nga ginaalegar nabiktima sang motor-napping sa Sition Agtalin, Barangay Dulangan, Pilar, Capiz.
Ginkilala ang biktima kay Rene Babac, 34-anyos sang Barangay Quevedo, Maayon, Capiz.
Mahibaluan nga “first Saturday of the month” nga nagpadulong ini sa Agtalin Shrine agud magsimba.
Apang, nakibot na lamang si Babac nga wala na ang motorsiklo sang ginbalikan niya ini.
Bangud diri, gilayon ini nagpangayo sang responde sa mga kapulisan nga nahamtang sa lugar.
-- ADVERTISEMENT --
Ginpakamaayo na lamang sang tagreklamo nga ipa-blotter sa pulisya ang insidente.
Sa karon, padayon ang imbestigasyon sang mga kapulisan sa natabo.///END
