(UPDATE) – Nakit-an na sang manunudlo ang iya motorsiklo nga nauna nga nadula matapos sini ginpark sa atubang sang isa ka bangko, sa Arnaldo Boulevard, Roxas City.
Ba-se sa impormasyon nga nakuha sang Bombo Radyo sa ginpost sang manunudlo nga si Gibbon Kiel Bartolo, nakit-an ang iya Suzuki raider 125 nagaduag bughaw sa Brgy. Gabuan, syudad sang Roxas.
Nahibaluan nga pinaagi ini sa pag-trace sang mga kapulisan sa plate number, kag nahibaluan kun sa diin ang address sang tag-iya sang motorsiklo nga ginbaylo sa iya, nga gilayon man nila ginpadulongan.
Sa iya pagpangusisa nga ulihi naman nadiparahan sang nakabaylo sang iya motorsiklo nga indi ato ang iya ginmaneho nga salakyan, kag nakapadulong na sa Kalibo.
Nangin leksyon naman suno diri sa manunudlo nga indi na sini pag-iluyo sa kapareho duag sang iya motorsiklo, agud indi mabayluhan.
