ROXAS CITY – Luyag na lamang nga ipaiway ni General Manager Glen Delgado ang pag proponer sa pagbakal sang bulk water supply ang Metro Roxas Water District (MRWD).
Ini ang ginpahayag ni Delgado sa ginpatigayon nga committee hearing kaupod ang pila ka mga miyembro sang Sangguniang Panlungsod.
Suno kay Delgado nga tuman na ini nga naapektuhan indi lamang sa iya kaugalingon kundi subong man sa iya nga pamilya subongman ang iya retirement sa nagakahinabo bangud sa pagpakamalaut sang mga pumuluyo.
Ini bangud dako ang posibilidad nga may yara sang igapatuman nga rate increase sa balayran sang mga kunsomidor.
Matandaan nga ginaplanohan sang Metro Roxas Water District ukon MRWD nga magsulod sa isa ka kontrata nga bulk water gikan sa 3rd party supplier nga gin-aprubahan man sang board of directors sang talatapan sadtong Setyembre 26, 2020.
Mahibaluan nga ang pagbakal sang bulk water sa balor nga 23 pesos per cubic meter.
Samtang, magapakig-istorya naman si Delgado sang mga board of directors agud nga mahatagan na sang solusyon ang nasambit nga problema sang ila talatapan.
