Gin-athag sang Metro Roxas Water District ang rason sang pagkalubog sang tubig sa pila ka barangay sa syudad sang Roxas.
Sa interview sang Bombo Radyo kay Atty. Dante A. Arcangeles, General Manager sang Metro Roxas Water District, iya ginpahayag nga sa 47 ka barangay nga sakop sang Roxas City, 13 ka barangay ang nabalhag nga naka-eksperyensya sang malubog nga tubig.
Suno kay Atty. Arcangeles,rason sang pagkalubog sang supply amo ang ginabanta nga tatlo na ka semana nga wala sang ulan nga nangin kabangdanan ang pagtuhaw sang lumot.
Dugang pa sang natungdan, padayon ang pagtinguha sang water treatment plan nga masiguro nga ang tubig nagasunod sa partikular nga mga pagsulundan para sa mayo nga kalidad sa ilimnon nga tubig kag sa adlaw-adlaw nga kinahanglanon sang mga konsumidor.
