-- ADVERTISEMENT --
Ginapreparahan na sang Metro Roxas Water District ukon MRWD ang posible nga epekto sang Super El Niño sa suplay sang tubig para sa mga konsumidor sa Roxas City.
Sa interview sang Bombo Radyo kay Mr. Mark Vincent Bernas, spokesperson sang amo nga talatapan, iya ginpahayag nga padayon ang pagmonitor sang ahensya sa ila nga mga water source.
Suno kay Bernas, ginafinalize pa sang ahensya ang El Niño Preparedness Program kag may yara naman sang mga kagamitan kag chemicals nga ginpreparar bilang tikang kun magdugay ukon maglala pa ang epekto sang Super El Niño.
Ginapangabay man sang natungdan ang mga konsumidor nga magtipid kag mangin responsable sa paggamit sang tubig, ilabi na sa tion nga posible magnubo ang water level sang mga water source.
