ROXAS CITY – Nagpaathag ang information officer sang Metro Roxas Water District (MRWD) kasunod sang reklamo sang mga kunsumidores nga pagkadula sang suplay sang tubig humalin kagab-I tobtob subong nga aga.
Suno kay Mark Bernas nga ila natukiban ang leakage sa Paslang Water Treatment plant.
Nagsugod ini sa low pressure sang tubig tobtob nag-angkon sang low voltage sa nasambit nga water treatment plant nga gintunaan sang pagshutdown sang mga bomba.
Suno kay Bernas nga delikado ang pag-untat sa pagpump sang mga bomba bangud mabalik ini sa treatment plant.
Nahibaluan nga nadugayan ang pagkaayo bangud indi malay-o ang leakage.
Aminado ang tagpamaba sang MRWD nga na-minimize lamang ang tubod sa leakage apang wala pa dalayon nga nakaayo.
Nagpasiguro ini nga ginatingwaan sang talatapan nga dalayon na nga mapabalik sa normal ang suplay sang tubig sa tanan nga ila kunsumidores.
