ROXAS CITY – Ginganyat isa ka MS student ang mga kabataan nga hatagan sang tion agud tun-an ang agricultura, ini agud may yara sang masunod nga mga henerasyon nga magabulos sa mga mangunguma sa pungsod.
Sa interview sang Bombo Radyo kay Mr. John Rey Delos Santos Department of Dcience and Technology (DOST) Scholar MS student, ginpahayag sini nga sa subong nga tion magamay na lamang nga mga kabataan ang may huyog sa agrikultura bangud sa paglantaw sang iban isa ini ka manubo kag indi disente nga obra.
Suno kay Delos Santos, indi bangud sa duta nga-obra kag nagabulad sa silak sang adlaw ini na ang kuhaan nga basehan sang mga kabataan agud indi magkuha sang kurso nga agrikultura apang kung paminsaron lamang ang agrikultura ang isa ka maayo nga kurso bangud kung wala ang mga mangunguma wala sang bugas ukon kan-on nga makaon ang tanan.
Bangud sini, may pila ka mga buluthuan ang nagadihon sang pila ka mga pamaagi agud tun-an ang mga estudyante nahanungod sa pagpanguma ukon pagpananum.
Pila sa mga kurso nga mahimo kuhaon may kaangtanan sa agrikultura amu ang mga masunod;
1. Agronomy
2. Sericulture
3. Plant Biochemistry
4. Plant Biotechnology
5. Agriculture Genetics
6. Agriculture Economics
7. Agricultural Entomology
8. Agricultural Engineering
9. Agricultural Trade and Marketing
11. Breeding of Field and Agricultural Crops
Ginpahayag man ni Delos Santos nga kulang sa suporta nga ginahatag ang gobyerno sa mga mangunguma indi kaangay sa iban nga pungsod nga ang mga mangunguma ginahatagan sang una nga prayoridad.
Masubo man suno diri apang ini ang kamatuuran kag ini ang dapat nga paminsaron sang mga kabataan kung anu kabudlay kag importante nga kinahanglan tun-an ang patag sang agrikultura.
