Gindepensahan ni Movie and Television Review and Classification Board (MTRCB) Chairman Lala Sotto-Antonio ang ginhatag sini nga X-rating sa documentary film nga Alipato kag Muog kag ang comedy-drama film nga Dear Satan.
Ginpahayag sini nga ang pelikula nga “Alipato kag Muag” ang nahanungod sa pagbihag kag pagkadula sang aktibista nga si Jonas Burgos sadtong 2007.
Paathag sini nga sanday MTRCB reviewers Fernando C. Prieto, Glenn B. Patricio, kag Jose V L. Alberto ang naghatag sang X-rating sa nasambit nga pelikula kun sa diin ginaduso sang nasambit nga pelikula nga mabuhinan ang pagsalig nila sa gobyerno.
Sa pelikula naman nga “Dear Satan” ginpahayag ni Sotto nga nainsulto ini bilang kristiyano.
Ginapakita suno diri sa pelikula ang kaayo ni Satanas matapos nga aksidente nga napadala sang isa ka bata ang sulat sa iya imbes nga kay Santa Claus.
Una na nga ginpahayag sang producers sang pelikula nga bayluhan nila ang titulo bangud sa negatibo nga komento nga ila nakuha.
