Mukbang content online, plano nga dumilian sang DOH

Posible nga dumilian na sang Department of Health ang mukbang vlogs sa pungsod.

Ini matapos sang napatay ang isa ka mukbang vlogger nga si Dongz Apatan bangud sa pagkaon sang ginprito nga manok kag gin-atake sa puso.  

Suno kay Health Sec. Ted Herbosa, ang masami nga paglantaw sini ang posible nga mahimo sa eating disorder ukon internet addiction.

Dugang pa ni Herbosa nga kun may kaangtanan ang mukbang vlogs ni Apatan sa pagkapatay sini, posible na nga ibanned ang mga kasubong nga content.  

Bilin ni Herbosa sa publiko, madamo nga paaagi para makakita sang kwarta nga wala ginabutang sa komplikado nga sitwasyon ang kalusugan.