Nangin matalunsay ang pagresponde kag pag-recover sang bangkay sang isa ka biktima sang pagkalumos matapos ini makita kag makuha sa boundary sang Punta Barra kag Barangay Cagay, sa sulod sang isa ka entry canal.
Matapos narekober, positibo nga nakilala ang biktima pinaagi sa isa ka miyembro sang pamilya antes ginturn-over ang bangkay sa pamilya kag sa nagakaigo nga mga awtoridad.
Ang operasyon ang pinaagi sa koordinadinasyon sang Bureau of Fire Protection–Search and Rescue Force (BFP-SRF), Philippine Coast Guard, City Disaster Risk Reduction and Management Office-Rescue Cluster Emergency Response Team (CDRRMO-RCERT), PNP Maritime Group, Provincial Disaster Risk Reduction and Management Office-CERT, mga local opisyal sang Barangay Cagay, Barra, Talon, Culasi, Cogon kag Punta Cogon, Bantay Dagat, Palina Ecopark Association, mga lokal nga mangingisda, FEROCITY Fire Volunteers kag Kabalikat Civicom.
Natapos ang operasyon pinaagi sa pagrecover kag pagkilala sa biktima.
Nagpaabot naman sang ila sinsero nga pakig-unong ang mga nagresponde nga ahensya sa nabilin nga pamilya sang biktima kag nagpasalamat sa tanan nga personnel, volunteers kag mga miyembro sang komunidad nga nagbulig sa amu nga operasyon.
