Ginahulat nalang sang mga Barangay Officials sang Barangay Tacas, Pontevedra, Capiz ang pormal nga pag-turnover sang Multi-Purpose Building nga ginpatindog sang Department of Public Works and Highways (DPWH).
Sa interview sang Bombo Radyo kay Punong Barangay Joy Ramos, iya ginpahayag nga natapos na ang konstruksyon sang amo nga pasilidad sa ila nga lugar.
Suno kay Ramos, ang amo nga proyekto nagabalor sang masobra 6.8 million pesos.
Ang amo nga Multi-Purpose Building, pagagamiton bilang bag-o nga Barangay Hall kag ang daan, pagahimuon naman bilang Violence Against Women and Children (VAWC) office kag temporaryo nga health facility.
Nahibaluan nga ang amo nga proyekto ang ginsuguran sang Hulyo 14, 2025.
Interviewed by Bombo Sunnie Mae Batencila | via Bombo Reports Afternoon Edition
