CUARTERO CAPIZ – Pormal nga gin inagurahan ang Balay Mapanag sa Munisipalidad sang Cuartero subong nga adlaw, Pebrero 25, 2021.Ang Balay Mapanag ang nangin posible pinaagi sa bulig sang National Commission for Culture and the Arts (NCCA) pinaagi sa Competitive Grants Program.
Ang inagurasyon ang gintambungan ni Mr. Alphonsus Tesoro, Capiz Provincial Tourism and Cultural Affairs Office – Head kaupod ang Municipal Mayor kag pila ka mga cultural advocate sa amu nga banwa.Sa una nga tyempo, ang banwa sang Cuartero ang gintawag nga “Mapanag” nga pangalan sang isa ka creek nga nagasugpon sang banwa sang Dumalag kag Cuartero.
Bilang pagkilala sa nasambit nga panublion, gin papangalan ang library, museum kag archives sa “Balay Mapanag.”
Ang ini nga librarya ang sarang mapadulungan sang mga estudyante, manunudlo ukon komunidad nga luyag mahibaluan ang istorya kag kultura sang nasambit nga banwa.
Ini bukas alas 8:00 sa aga tubtob alas 5:00 sa hapon, Lunes tubtob Biyernes, kag nahamtang sa ika-duha nga panalgan sang Cuartero Municipal Hall.
