Gin-aprubahan sang Muntinlupa Regional Trial Court Branch 205 ang motion sang film director nga si Darryl Yap nga magpaguwa sang gag order.
Kahapon, Enero 13, 2025 sang magpaguwa ang nasambit nga korte sang gag order nga nagamandu sa kampo sang actor nga si Vic Sotto kag Yap nga indi dapat pagtalakayon sa publiko ang mga kaundan sang kaso.
Ginpahayag sang abogado ni Yap nga si Atty. Raymond Fortun nga ang rason kun ngaa nag-file sila sang motion ang para mapunggan ang kampo ni Sotto nga magpaguwa sang iresponsable nga pahayag batuk sa pelikula nga wala pa napaguwa.
Matandaan nga ginkasuhan ni Sotto sang 19 counts sang cyber libel si Yap matapos nga ginsambit ang pangalan sini sa ginpaguwa nga teaser sang pelikula nga “The Rapist of Pepsi Paloma”.
