ROXAS CITY – Napasaka na ang kaso nga Murder pinaagi sa regular filing batuk sa suspek nga nagluthang-patay sa isa ka iloy sa Barangay Apero, banwa sang Tapaz.
Matandaan nga natabo ang krimen sang Mayo 19 kun sa diin ginkilala ang biktima kay Eva Galagate, 49-anyos kag residente sang nasambit nga barangay.
Nahibaluan nga sandig sa nangin imbestigasyon sang mga katapo sang Tapaz MPS, nga samtang nagadigamo sang panyapunon ang amu nga Iloy, hinali nalang ini ginluthang kag na-igu sa nalikod nga bahin sang iya li-og gamit ang ginapatihan .12 gauge shotgun, sang suspek.
Nauna nga ginpahayag sang mga kapulisan nga bangud sa away sa duta ang posible motibo sang suspek sa pagpatay sa biktima nga isa ka mangunguma.
Wala na diri ginhingadlan ang pangalan sang suspek.
