-- ADVERTISEMENT --
ROXAS CITY – Balik presuhan ang 72-anyos nga ex-convict matapos naaresto sa drug buy bust operation sa Barangay Tiza, Roxas City.
Gin-ako sa Bombo Radyo sang naaresto nga si Carlo Alisla alyas Caloy sang Plaridel St., Barangay 8, Roxas City nga wala ini nag-untat sa pagduso sang droga matapos mahilway sa Muntinlupa city jail.
Ginpahayag pa sini nga ini lamang ang pinakamadasig nga trabaho nga iya nahibaluan , rason nga bisan nahibaluan sini nga ginadumilian kag delikado ginsulod niya.
Samtang, gin-ako sang suspek sang ini ang maaresto sang Provincial Drug Enforcement Unit sa Barangay Tiza, Roxas City nga i-deliver kuntani sini ang nakuha nga isa ka bulto nga shabu sa iya nga kostomer nga isa ka empleyado sang gobyerno.
