ROXAS CITY – Yara sa masobra 250 ang mga nagkaladakpan nga nagabayolar sa Smoke Free and Vape Free Ordinance sang Roxas City humalin sang ini ang ginpatuman sang Hulyo tubtob Disyembre 21, 2023.
Suno kay Mr. Ronald Amigo, pinuno sang City Environment and Natural Resources Office (CENRO), ini ang tuga sang wala untat nga trabaho sang City Ordinance and Regulations Enforcement (CORE) Unit.
Sa pihak sa ginapatuman nga ordinansa, madamo sa gihapon ang nakikit-an nga mga violators sa sulod sang isa ka establisyemento ilabi na sa Teodoro Arcenas Trade Center (TATC) nga nagapanigarilyo apisar may ginpahamtang na nga mga designated smoking/vaping area.
Pahayag pa ni Amigo, natalana nga makighinun-anon ini sa administrador sang TATC kaupod ang CORE Unit agud mahinalaan kag makadihon sang solusyon.
Ginapangabay sini ang mga pumuluyo nga magkooperar bangud ang kooperasyon ang may daku nga papel para sa successful nga ordinansa.
