Nadula nga mountain bike nabalik na sa tag-iya

ROXAS CITY – Nabalik na sa tag-iya ang gin-abandonar nga mountain bike sa Barangay Tiza, sining syudad.

Ginreport sang security guard sang isa ka eskwelahan ang nakita nga bisikleta malapit sa isa ka eskwelahan sa amo nga barangay.

Matapos nakalab-ot ang impormasyon sa tag-iya nga nadulaan sang bisikleta nga si Albert Casimero sang Inzo Arnaldo Village, gilayon sini nga ginpadulungan ang lugar.

Matapos mapakita ang ID nga nagapamatood nga siya ang tag-iya, ginbalik ini sa iya.

Samtang natalupangdan nga wala na sang kadena ang nasambit nga bisikleta.