ROXAS CITY – Naglab-ot na sa 36 ka pamilya ang nag-evacuate sa ila mga balay bangud sa baha kag pamahog sang landslide sa ila nga lugar.
Kalakip diri ang 34 la pamilya ukon 170 ka indibidwal gikan sa Barangay Agbatuan, Dumarao nga nag-evacuate, matapos nakita ang dalagkuan nga litik sa duta nga posible halinan sang landslide kag duha ka pamilya ukon siyam ka indibidwal gikan sa Barangay Cogon, Sigma nga temporaryo nga nagatenir sa ila mga g mga kaanak.
Suno kay Mr. Espiridion ”Speed” Pelaez, action officer sang Provincial Disaster Risk Reduction and Management Office nga naglab-ot sa 52 ka barangay sa siyam ka banwa sa probinsiya sang Capiz ang ginabaha sa diin tuga ini sang tail-end of a cold front.
Nahibaluan nga magluwas sa pila ka mga karsada nga indi pa maagyan sa karon, ginbaha man ang mga ulumhan.
Samtang padayun ang monitoring sang PDRRMO sa mga ginbaha nga barangay kag naka-standby na ang tanan nga responding units.
