ROXAS CITY – Aminado ang 24-anyos nga lalaki nga nababasahan sini ang pila ka mga pagpakamalaot sa iya personalidad matapos nga nangin viral ang iya video nga nagasaot sang trending Tiktok dance nga ‘Paro-Paro G’ suksok gid lamang ang pang-idalom nga panapton, sa historical fountain sang Roxas City.
Sa exclusive interview sang Bombo Radyo kay ‘Yanyan’ Reyes, sang syudad sang Roxas, ginpahayag sini nga wala sini gin-ekspektar nga mangin viral ang amu nga video.
Suno diri, tapos panyaga kahapon nga adlaw, Pebrero 23, sang napiyerde ini sa ‘Peace, tawo’ rason nga ang konsekwensiya nga ginpahimo sa iya amu nga magsaot sa fountain sang Roxas City nga nahamtang sa sentro sang syudad.
Pagtuad pa sini nga content lang ang amu nga video sa iya nga vlog, kag ‘challenge accepted’ kuntani ang mangin tema sini.
Dugang pa ni ‘Yanyan’ nga ‘pampa-goodvibes’ lang ang iya tinutuyo kag wala gid ini makahibalo nga historical ang amu nga fountain.
Aware man ini sa “Anti-half naked” ordinance sang syudad apang ginpanindugan sini nga may boxer shorts paman ini nga suksok kag wala gid naga-hublas.
“I love you” naman ang mensahe ni Yanyan sa mga ‘napa-goodvibes’ sini kag ‘pasensiya tawo lang’ ang iya ginbilin nga mga tinaga sa mga nagtaas-kilay sa iya nag-viral nga video.
Pagabatunon man sini ang mangin desisyon sang City government sa tion nga pagapatawan ini sang penalidad sa iya nangin akto.
Natun-an man sini nga indi na niya mabalik pa ang kahuy-anan nga nabaton apisar iga-delete ang nag-viral nag video sa social media.
Nahibaluan nga sandig sa “Anti-half naked” ordinance sang syudad, may penalidad nga “warning” sa 1st offense, P500 naman para sa 2nd offense kag P500 kag dugang nga 3-ka oras nga community service para sa 3rd offense kag mahimo nga mapreso ang magalapas sa masobra 3rd offense.
