Naga-park nga tricycle, ginkawatan sang gatong

Ginkawatan sang gasolina ang isa ka tricycle nga naka-park sa Bulacan.

Makit-an sa Closed Circuit Television (CCTV) footage ang isa ka rider nga nagabantay sa tricycle nga naka-park sa atubang sang kapilya.

Nagpanaog ang rider kag ginpalapitan ang tricycle bitbit ang isa ka puti nga container.

Matapos ang pila ka minutos, madasig nga naghalin ang lalaki kag may unod na ang container nga dala sini.

Suno sa tag-iya sang tricycle, bag-o lang siya nakapa-full tank bangud ginagamit sini agud magdul-ong sa iya anak.

Wala na niya ginreklamo pa sa kapulisan ang pagkawat sang iya gatong.

Gin-post na lang niya ang video bilang paandam sa mga posible nga mangin biktima sang modus.