ROXAS CITY – Ginatudlo nga rason sa nagluntad nga duha ka sunod nga aksidente sa banwa sang Mambusao ang nagahilay nga signage sa center island kag masilaw nga suga sang kasugata.
Sa interview sang Bombo Radyo kay PLT. Shanny Allanic hepe sang Mambusao Municipal Police Station, ginpahayag sini nga ang una nga natabo nga insidente kun sa diin naglikaw ang motorista sa nagahilay nga signage rason sang iya pagkadisgrasya kag kabangdanan man sa pagtabog sang angkas sini.
Sa ika-duha nga insidente ginatudlo nga rason ang masilaw nga suga sang kasugata sini kag indi sunado ang dalan dugang pa ang mabasa nga dalan sang natabo ang insidente.
Suno kay Allanic, magapatigayon sila sang paghinun-anon kaupod ang engineering office sang lgu agud mahatagan sang solusyon ang ginluntaran sang insidente kag malikawan ang kaangay sini nga hitabo.
Sa karun padayon pa nga ginabulong sa ospital ang angkas sang motorista nga na-aksidente sa lugar kag padayon ang pagpahanumdum nga maghalong sa tion nga nagabyahe sa dalan.
