Nag-athag ang Presidential Communications Office (PCO) sa nagalapta nga edited video kun sa diin makita ang isa ka indibidwal nga may gin-abot nga pagkabutang kay Presidente Ferdinand Marcos Jr. samtang yara ini sa isa ka pagtilipon.
Bangud sini, naglutaw ang mga huring-huring halin sa netizens, kasubong sang pagdumdum nga ang gin-abot nga butang, isa ka sachet nga may unod nga “white substance”.
Suno sa PCO, ginhungod nga gin-utod kag gin-blur ang video para mahatagan sang sala nga konteksto.
Paathag sang ahensya, ang gin-abot nga pagkabutang, isa ka lapel pin nga may simbolo sang ila nga politikal nga partido, kag ang nag-abot sini, isa ka sibilyan nga nagahulat nga maka-selfie sa presidente.
Ginagamit suno sang pila ka indibidwal ang mga kasubong nga sahi sang content agud maglapnag sang sala nga naratibo.
Paandam naman sang PCO sa publiko nga mag-panumdom, mag-usisa, hibaluon ang bilog nga kwento, obserbahan ang mga detalye, kag indi magpa-into sa fake news.
