ROXAS CITY – Ginpanginwala sang anay kabulig sa balay kag ginaalegar nagapanguna nga suspek nga nagpangawat sang kapin P800,000 balor sang alahas kag P50,000 cash ang akusasyon batuk sa iya sang amo sini nga si Etheline Villareal sa Barangay Cogon, Roxas City.
Sa interview sang Bombo Radyo kay Editha Alejandro, ginpakigbahin sini ang iya hibubun-ot bangud sa akusasyon sang iya anay amo nga kinakabig na niya nga utod sa sulod sang 18-katuig nga pagserbisyo.
Suno diri, indi lamang iya kabuhi ang apektado amu man ang pagtrabaho sang iya mga kabataan.
Ginalantaw nga rason ni Alejandro sa pagpakalain kag pagpasimangod sa iya sang amo ang paghalin sini sa ubra bangud ginasakit siya sang driver nga ginaalegar ka-relasyon sang amo kag ginapahog nga pagapatyon.
Nagpadulong na man sa Barangay Hall sang Cogon si Alejandro agud maklaro ang pangalan kaupod ang ginaalegar duwa pa ka mga suspek, apang gintudlo ini sa mga kapulisan nga magpabalhag.
Dugang pa sini, ang kapulisan na lamang ang maga-settle sa ila kag maga-asister agud matapos na ang isyu sa tunga sa ila nga ginaalegar mga suspek kag sa amo sini.
Matandaan nga una na nga ginpanginwala ni Marlyn Ortega, isa pa sa mga ginaalegar ka-kuntsaba ukon suspek ang akusasyon man sa iya.
Panugyan sini sa anay amo, magpangayo na lamang sang pasaylo sa ila kag bawion ang mga wala basehan nga akusasyon sini bangud handa man sila magpasettle kag magpatawad kun mabatian ang eksplenasyon sang nasambit nga amo.
