Kasubong nagalain ang buot sang nagaserbe mga lider sang RGS World Marketing Corporation sa apat ka mga barangay sa syudad sang Roxas matapos nagpaguwa sang notisya sa publiko ang kumpaniya nga indi na sila konektado diri.
Sa pagpakig-angut sang Bombo Radyo kay Maila Casimero Begalan sa Barangay Barra, sining syudad ginpahayag sini nga ang iya masami nga pagpanawag sa ila main office sa Bacolod City para magpangayo sang update sa investment sang mga investors ang rason nga dalayon na sila nga gindula.
Apang ginapanindugan sini nga nagapanawag lamang siya agud mahibaluan ang development sa investments sang ila downlines.
Indi malipod nga madamo nga mga downlines/investors nga nagpangutang, nagbaligya sang ila mga kasapatan kag nagpangprenda sang ila mga alahas sa paglaum nga magdaku ang ila investments.
Ila man nga ginaduso nga mabalik lamang ang kapital sang mga investors, bangud sila ang ginasukot.
