ROXAS CITY – Tinuig na nga antos sang pila ka mga residente ang mabaho nga hangin tuga sang nagatumpok nga basura sa Sitio Ilaya, Tanza Sur, Panay, Capiz.
Sa pagpadulong sang Bombo patrol team sa lugar, talalupangdon ang nagatinumpok nga mga basura kag wala na-segregate sang maayo.
Ini ang ginpadulungan sang patrol matapos ang ginpalab-ot nga problema sa ila ikaayong lawas sang mga apektado nga pumuluyo.
Suno sa isa ka concerned citizen nga adlaw-adlaw sa gihapon may nagahaboy sang basura sa nasambit nga lugar apisar nga ginpasirado na ini sang Local Government Unit (LGU) sang Panay, isa ka tuig na ang nakaligad.
Dugang pa sini nga madamo sang nakapalibot nga puloy-an sa amu nga lugar.
Luyag sang tagreklamo nga mahatagan sang solusyon ang ila sitwasyon bangud nakataya ang ila ikaayong-lawas sa amu nga isyu sa basura.
