Naghatag sang ideya si Senate President Pro Tempore Jinggoy Estrada sa Chinese national nga nagbulig kay dismissed Bamban, Tarlac Mayor Alice Guo nga makapalagyo sa pungsod.
Sa paghinun-anon, ginpahayag ni Estrada nga boss sang tanan nga mga boss sang Philippine Offshore Gaming Operators (POGO) ang nagbulig kay Guo nga makapalagyo paguha sa Pilipinas.
Suno pa sa karon nabalitaan nila nga yara sa Taiwan na ini apang nagpamalibad si Estrada nga hingadlan kun sin-o ang amo nga Chinese national.
Sang usisaon kun ang ginatumod ni Estrada nga ginlista ni Guo sa papel kahapon kag ang nagbulig kay Guo amo si Huang Zhiyang, ang business partner ni Guo nga isa man ka pugante, pahayag lang ni Estrada amo ang “most probably”.
Ginsalig ni Estrada kay Senate Committee on Women Chairperson Risa Hontiveros ang pagpahayag kun ano ang pangalan sang nagbulig kay Alice Guo.
